Депутаттар кардын көп жаашынан улам өлкөдө сел каптоо коркунучу бар экенин айтышты

ЖКнын 17-январдагы жыйынында депутат Абдулатип Режевалиев былтыркы сел каптоо кырсыгынан жапа чеккен өлкө тургундарына жардам берилбей жатканын айтты. Ал өкмөт тарабынан убада кылынган 200 миң сомдук жардамдын качан берилишине кызыкты. Депутаттын айтымында, быйыл да кар көп жаагандыктан, жазында сел жүрүү коркунучтары бар. “Сел алып кеткен көпүрөлөрдү качан калыбына келтиребиз? Жаз жакындап калды, табият кырсыгынын алдын албасак болбойт, суу нуктарын тазалоого эртерээк киришүү керек ”,- деди депутат.