Сокулук районунда колу-буту байланып сууга чөктүрүлгөн белгисиз адамдын жансыз денеси табылды

Сокулук районунда колу-буту байланып сууга чөктүрүлгөн белгисиз адамдын жансыз денеси табылды. Бул тууралуу Сокулук РИИБинен бүгүн, 3-июлда билдиришти.

Маалыматтарга караганда, Сокулук районунун Панфилов айылына жакын жердеги көлмөдөн колу-буту байланган 30-35 жаштардагы азиат улутундагы адамдын жансыз денеси табылган.

Жансыз дененин үстүндө көк футболка, жынсы шым, ак сызыктары бар көк бут кийим бар болгон. Каза болгон адам ак жүздүү, оң колунун терисинде балтага окшош сүрөт, сол колунун терисинде жел айдагыч (парус), 3 жылдызча жана күрөө тамырында кескиленген сыяктанган сүрөттөр бар.

Учурда бул жарандын ким экени аныктала элек. Кандайдыр бир маалымат билгендер болсо, төмөнкү номерлерге байланышка чыкса болот: (0312) 60-75-67 (Сокулук РИИБинин нөөмөт бөлүмү), 0554 99-47-88 (Орунтаев Нурдан, тергөөчү).

Ошондой эле кылмыш иликтөө бөлүмүнүн кызматкерлеринин байланыш телефондору: 0770 01-01-00, 0772 18-46-57, 0558 10-01-75, 0551 99-15-15.