Биринчи вице-премьер-министр Жоомарт Оторбаев Баткен облусунда иш сапары менен жүрөт

Бүгүн, 18-январда биринчи вице-премьер-министр Жоомарт Оторбаев Баткен облусундагы иш сапарын улантууда. Ал аталган облустагы Согмент, Чарбак, Таян жана Кыштут айылдарында болуп, элдин суроо-талабын укту. Айыл тургундары Сох анклавындагы болгон чек ара окуясын саясатташтырбоону бийликтен өтүндү. Бул тууралуу өкмөттүн маалымат кызматы кабарлады. Мындан сырткары айыл тургундары тез аранын ичинде чек ара бекеттериндеги аскерлердин санын көбөйтүүнү, Кыргызстандагы бардык чек араларды бекемдөөнү өтүнүштү.