Ахматбек Келдибеков Ак үйдүн тосмосун алып салууну сунуштоодо

Депутат Ахматбек Келдибеков Ак үйдү курчап турган тосмону алып салууну сунуштады. Ал мындай пикирин ЖКда 18-январда өткөн "Ата Журт" фракциясынын жыйынында билдирди. "Биз элдин атынан шайланып келген депутатпыз, келгиле, Ак үйдүн тосмосун алып салалы. Ошондо пикеттер да болмок эмес. Нааразы болгон адамдар кирип, маселесин чечип кете беришет" деди эл өкүлү Украинанын парламентин мисал кылып. Алар да Жогорку Раданы курчап турган тосмону алып салганын кошумчалады.