Андрей Аршавин сотто мурунку жубайына утулуп, 2030-жылга чейин алимент төлөөгө милдеттендирилди

Орусиялык футболчу Андрей Аршавиндин балдарына алимент төлөөсү боюнча акыркы сот отуруму өттү. Сот анын мурунку жарандык никедеги жубайы Юлия Барановскаянын арызын канааттандырып, футболчуну 2030-жылга чейин алимент төлөөгө милдеттендирди. Бул тууралуу бүгүн, 8-июлда чет элдик маалымат булактары кабарлашты.

12 саатка созулган сот отурумунда чыккан жыйынтыкка ылайык, Андрей Аршавин 2023-жылдын декабрына чейин (улуу баласы бойго жеткенге чейин) айлык акысынын жарымын ай сайын төлөп турат. 2026-жылдын апрелине чейин, тактап айтканда, ортончу уулу жана кичүү кызы бойго жеткенге чейин айлык маянасынын үчтөн бир бөлүгүн төлөйт. Алар өз алдынча болгонго чейин, 2030-жылга чейин футболчу айлыгынын төрттөн бир бөлүгүн балдарына берип турууга милдеттендирилди.