"Республика" фракциясына 10 айда жарандардан 3222 кат келип түшкөн

Жогорку Кеңештеги "Республика" фракциясына 2013-жылдын сентябрынан 2014-жылдын июнуна чейин жарандардан 3222 кайрылуу түшкөн. Муну аталган фракциядан билдиришти. Маалыматка таянсак, каттардын ичинен 3032си каралып, 2675 кат ээсине жооптор жөнөтүлүптүр. 986 кат тийиштүү органдарга жөнөтүлгөнү айтылды. Сессия аралыгында фракция депутаттары 3253 жаранды кабыл алган. Анын ичинде 481 жаран фракциянын экс-лидери Назарали Ариповдун кабыл алуусунда болушкан.