Бразилия-2014: Дүйнө биринчилигинде “Мыкты оюнчу” сыйлыгына талапкерлердин катарында Мюллер, Роббен жана Месси бар

Кечээ, 11-июлда ФИФА Бразилияда өтүп жаткан Дүйнө чемпиондугунун мыкты оюнчусуна берилүүчү “Алтын топ” байгесине талапкер 10 оюнчунун ысымын жарыялады. Бул тууралуу ФИФАнын расмий сайты билдирет.

Маалыматка ылайык, тизмеге Матс Хуммельс, Тони Кроос, Томас Мюллер, Филипп Лам (баары Германия), Анхель ди Мария, Хавьер Маскерано, Лионель Месси (баары Аргентина), Арьен Роббен (Голландия), Хамес Родригес (Колумбия) жана Неймар (Бразилия) кирди. Жеңүүчү ФИФАнын изилдөө топторунун мүчөлөрүнүн жана журналисттердин добушунун негизинде финалдык оюндан кийин аныкталат.