Чек ара кызматы: Кыргыз-тажик чек арасында абал туруктуу

Учурда кыргыз-тажик чек арасында абал туруктуу. Бул тууралуу бүгүн, 15-июлда Чек ара кызматы билдирди. Мамлекеттик чек ара кызматы эки өлкө ортолугунда күчөтүлгөн тартипте кызмат өтөөсүн улантууда. Көзөмөл-өткөрүү жайлары штаттык режимде иштеп жатат.

Эскерте кетсек, 10-июлда Баткендин Тамдык тилкесинде кыргыз-тажик аскерлери ок атышып кетишкен. Андан тажик тараптан 2 адам каза таап, 7 адам жаракат алган. Ал эми бир кыргыз аскеринин башына таш тийген.