Бишкекте 2012-жылы ар түрдүү маанайдагы 726 митинг өткөрүлдү

Бишкекте 2012-жылы 726 митинг өткөрүлүп, алардын жарымын саясий маанидеги митингдер түздү. Бул маалыматты бүгүн, 18-январда Бишкек шаардык ИИББинин басма сөз катчысы Бакыт Сейитов билдирди. Маалыматка ылайык, 2012-жылы ар кандай топтор, өкмөттүк эмес уюмдар, саясий партиялар тарабынан 726 митинг өткөрүлүп, алардын ичинен 316сы саясий маанидеги митинг катары катталган. Ошондой эле мындай нааразычылык акцияларына жалпы 195 640 киши катышып, коомдук тартипти сактоо үчүн 35 544 милиция кызматкери тартылган.