Супер-Инфо
super.kg видео
Айсулуу Тыныбекова Азербайжанда өтө турган “Алтын Гран-При” мелдешине катышат
Кыргызстандык балбан кыз Айсулуу Тыныбекова 25-27-июль аралыгында Азербайжандын Баку шаарында өтө турган "Гран-При" мелдешине катышат (58 килограмм салмакта). Бул тууралуу SUPER.KG порталына спортчунун машыктыруучусу Нурбек Изабеков билдирди.
Анын айтымында, учурда бул мелдешке даярдык кызуу жүрүп жатат. “Мелдеш уландар арасындагы эркин күрөш жана кыз-келиндер арасындагы эркин күрөш боюнча өтөт. Кыз-келиндер курамасынан Айсулуу Тыныбекова гана барат. Бул финалдык "Гран-При" мелдеши болгондуктан, “Алтын Гран-При” деп коюшат. Ага акыркы 3 "Гран-При" мелдешинде байгелүү орундарга илинген балбандар рейтингине карап чакырылат. Тандалган катышуучулардын саны болжол менен 12ни түзөт”,- дейт Н.Изабеков.
Кошумчалай кетсек, уландар арасында бул мелдешке Самат Надырбек уулу (57 килограмм салмакта) менен Улукман Маматов (65 килограмм салмакта) катышат.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Кимдир бирөөнүн намысына шек келтирген билдирүүлөрдү калтырууга жол берилбейт.