Казакстандагы кыргызстандык мигранттарды биометрикалык маалымат чогултуу менен тааныштырышты

Казакстан Республикасынын Астана, Актау жана Кызылорда шаарларында эмгектенген кыргызстандык мигранттар биометрикалык маалыматты чогултуу боюнча кабардар болушту. Бул тууралуу бүгүн, 22-июлда КРнын Тышкы иштер министрлигинин басма сөз кызматы билдирди.

Маалыматка ылайык, өткөн аптада аталган мамлекеттеги элчилик Кыргызстандын этникалык-маданияттык борборлорунун жетекчилери жана мигранттар менен жолугушуу өткөргөн. Иш-чарада КРнын жарандарынан биометрикалык маалыматтарды чогултуу 2014-жылдын 31-августунда башталып, 2015-жылдын июль айына чейин өтөрү айтылды. Мындан тышкары элчилик жолугушуунун катышуучуларынан мекендештерге түшүндүрүү иштерин жүргүзүүнү жана биометрикалык маалыматтарды чогултууда көмөк көрсөтүүнү суранышты.