Жылнаама, 28-июль: Мындан 100 жыл мурун 22 миллион адамдын өмүрүн алган I дүйнөлүк согуш башталган

* Мындан 100 жыл мурун, 1914-жылы 22 миллион адамдын өмүрүн алып, 55 миллион киши жарадар болгон I дүйнөлүк согуш башталган. Согуштун келип чыгышына экономикалык империализм, аймактык жана экономикалык талаш-тартыш, соода-сатыктагы кыйынчылыктар, күчтөрдүн бирдей эместиги, европалык державалар бирикмелериндеги ички кырдаал себеп болгон. 1918-жылы 11-ноябрда аяктаган согуштун натыйжасында Орусияда Февраль жана Октябрь революциялары болгон. Ошондой эле Германияда Ноябрь революциясы болуп, Австро-Венгрияда Осмон империясы кулаган. 

* Мындан 4 жыл мурун, 2010-жылы Пакистандын борбору Исламабад шаарына жакын жерде Airbus A321-200 учагы тоого урунуп кулап, өрттөнүп кеткен. Учакта болгон 152 кишинин баары көз жумган.

* Мындан 37 жыл мурун, 1977-жылы Жогорку Кеңештеги “Ата Мекен” фракциясынын депутаты Ширин Айтматова Москва шаарында төрөлгөн.1997-1999-жылдары Брин Моур колледжинин бакалавр даражасын бүтүргөн. 1998-жылы Япониядагы Эл аралык КРС япон тили боюнча окуу жайынан билим алган. 2001-2003-жылдары Нью Скул университетин гуманитардык илимдер боюнча бүтүргөн. Ал эми 2004-2006-жылдары Сара Лоуренс колледжинен магистрлик даражасын (көркөм жазуу адистиги боюнча) алган. 2010-жылдын ноябрь айынан тартып "Ата Мекен" саясий партиясынын тизмеси менен Кыргыз Республикасынын Жогорку Кеңешинин депутаты жана Адам укуктары, тең мүмкүнчүлүктөр жана коомдук бирикмелер боюнча комитетинин төрагасынын орун басары болгон. 

28-июлда Кыргызстанда жана дүйнөдө орун алган окуялар тууралуу кененирээк бул жактан окуй аласыздар.