Улуттук коопсуздук мамлекеттик комитетинин кызматкери пара талап кылгандыгы үчүн кармалды

Ош облусунда Улуттук коопсуздук мамлекеттик комитетинин кызматкери Т.Р. пара талап кылгандыгы үчүн кармалды. Бул тууралуу Башкы прокуратуранын басма сөз кызматы бүгүн, 31-июлда билдирди.

Маалыматка караганда, кармалган адам Өзгөн районундагы автомектептин кызматкерин “кылмыш ишин козгойм” деп коркутуп, 1 миң доллар талап кылган. Көрүлгөн ыкчам аракеттердин натыйжасында Т.Р. 15 миң сом пара алып жаткан жеринен кармалды. Алдын ала маалыматтарга караганда, кылмышка шектүү УКМКнын Өзгөн району боюнча башкармалыгынын жетекчисинин орун басары болгон. Учурда кылмыш иши козголуп, тергөө амалдары жүрүп жатат.