Бишкек шаарынын Москва жана Эркиндик көчөлөрүнүн кесилишинде бак кулап, жол кыймылына тоскоолдук жараткан

Бишкек шаарынын Москва жана Эркиндик көчөлөрүнүн кесилишинде бак кулап, жол кыймылына тоскоолдук жараткан. Бул тууралуу бүгүн, 5-августта мэриянын басма сөз кызматы билдирди.

Маалыматка караганда, кечээ, 4-август күнү саат 21:15 чамасында маалымат келип түшкөн. Анда аталган көчөлөрдүн кесилишинде бак кулаганы айтылган. Саат 22:40 чамасында жол толугу менен тазаланып, жол кыймылы калыбына келтирилген. Адистердин айтымында, диаметри 50 сантиметр болгон кара жыгач башы ийилип, салаңдап калганынан улам кулаган.