Австралияда жүргүнчүлөр вагонду көтөрүп, поезд алдына буту түшүп кеткен жаранды куткарышты

Австралиянын Перт шаарында жүргүнчүлөр вагонду көтөрүп, поезд алдына буту түшүп кеткен жаранды куткарышты. Окуя эртең мененки саат 08:50дө орун алган. 

Шаардагы транспорттук компаниянын өкүлү Дэвид Хайнс окуя тууралуу: "Ал киши поезддин арт жагындагы вагонго чыгып жатканда буту түшүп кеткен. Машинистке айтып, поездди жүргүзбөй туруусун эскерттик. Кызматкерлерибиз жүргүнчүлөрдү поездден чыгарышып, вагондордун бир жагын көтөрүүнү уюштурдук",- деп билдирген. Жабыркаган жаранга "Тез жардам" чакырылган. Бирок ал бейтапканага жеткирилген эмес. Бул тууралуу 6-августта чет элдик басылмалар жазып чыгышты.