Европанын Суперкубогу үчүн болгон беттеште мадриддик "Реал" "Севильяны" 2:0 эсебинде утуп алды

Кардифф шаарында УЕФАнын Суперкубогу үчүн өткөн беттеште испаниялык клубдар "Реал" менен "Севилья" кез келип, "Реал" 2:0 эсебинде утуп алды. 13-августка караган түнү орун алган оюндун жүрүшүндө Криштиану Роналду эки гол киргизип (30, 49-мүнөттөр), мадриддик клуб өз тарыхында экинчи жолу УЕФАнын Суперкубогун алып кетти. 

«Севильянын» оюнчулары бир нече жолу оюнду башкарганга аракет кылышканы менен, жеңишти өңөрүүгө мүмкүнчүлүк түзүлгөн жок. Оюндун жүрүшүндө "Реалдын" эки оюнчусу Даниэль Карвахаль менен Тони Кроос жана "Севильянын" да эки оюнчусу Витоло менен Фернандо Наварро сары айып кагазын алышты. 

Кошумчалай кетсек, Суперкубок УЕФАнын Чемпиондор Лигасынын жана Евролигасынын акыркы сезондогу чемпиондорунун ортосунда болот. Мадриддик «Реал» 2002-жылы голландиялык «Фейеноордду» 3:1 эсебинде утуп, УЕФАнын Суперкубогун алып кеткен.