23-августта Бишкекте өтүүчү марафондун жеңүүчүсү 10 миң сомго ээ болот

23-августта Бишкекте “Менин деним сак болсо, Кыргызстан сак болот” аталышында марафон өтөт. Бул тууралуу уюштуруучулар билдиришти.

Маалым болгондой, марафондун алкагында катышуучулар “спорт сүйүүчүлөрү” жана “профессионалдар” категорияларына бөлүнүшүп, 7 чакырымга чуркашат. Өз категориясында биринчи орунду ээлеген спортчу 10 миң сом, экинчи болуп келген 7 миң сом, ал эми үчүнчү орунду алган катышуучу 5 миң сом менен сыйланат.

Айта кетсек, иш-чаранын катышуучулары саат 7:30дан тарта 12-кичи районундагы мечиттин жанына чогулушу керек. Чуркоо саат 9:00дө башталып, А.Масалиев көчөсү (Түштүк магистраль) менен Манас айылына чейин өтөт. Марафонго катышууну каалагандар "Кыргыз Юнион" уюмуна кайрылып, катталса болот.