Борбор калаада “Ата Журт ар дайым жүрөгүмдө” аттуу жаш сүрөтчүлөрдүн көргөзмөсү ачылат

28-августта Бишкектеги Г.Айтиев атындагы Улуттук көркөм өнөр музейинде Кыргызстандын Эгемендүүлүк күнүнө арналган “Ата Журт ар дайым жүрөгүмдө” аттуу жаш сүрөтчүлөрдүн көргөзмөсү ачылат.

Уюштуруучулар билдиргендей, көргөзмөгө 20-45 жашка чейинки сүрөтчүлөрдүн живопись, графика, кол өнөрчүлүк, скульптура, керамика өңдүү 50 эмгеги коюлат.

Иш-чаранын уюштуруучулары: Аялдар конгресси, КРнын Маданият, маалымат жана туризм министрлиги, Сүрөтчүлөр союзу.

Белгилей кетсек, көргөзмө 16-сентябрга чейин уланат.