Ленин районундагы Орто-Алыш суу чарба башкармалыгынын айланасында 100 гектар куураган чөп күйүп кетти

Кечээ, 18-август күнү саат 15:55 чамасында Бишкек шаарынын Ленин районундагы Орто-Алыш суу чарба башкармалыгынын айланасында кургак чөп күйүп баштаган. Өрттү өчүрүүгө №28-өрткө каршы кызматынан 1 бөлүм, Бишкек шаардык суу чарба ишканасынан 1 өрт өчүрүүчү унаа, 8 суу ташуучу унаа тартылган. Саат 22:30да өрт толугу менен өчүрүлдү. Өрттүн кесепетинен болжол менен 100 гектар куураган чөп күйгөн. Бул тууралуу ӨКМнын басма сөз кызматы бүгүн, 19-августта билдирди.