Алай райондук сотунун төрагасы Мамбет Токсомбаевдин ыйгарым укуктары мөөнөтүнөн мурда токтотулду

Кыргыз Республикасынын жергиликтүү сотунун судьясы жана Ош облусунун Алай райондук сотунун төрагасы Токсомбаев Мамбет Айдаралиевич каза болгондугуна байланыштуу анын ыйгарым укуктары 2014-жылдын 8-июлунан тартып мөөнөтүнөн мурда токтотулду. 

Тийиштүү жарлыкка Кыргыз Республикасынын Президенти Алмазбек Атамбаев кол койду. Токтом Кыргыз Республикасынын Конституциясынын 95-беренесинин 3-бөлүгүнө жана «Кыргыз Республикасынын судьяларынын статусу жөнүндө» Кыргыз Республикасынын конституциялык мыйзамынын 27-беренесинин 1-бөлүгүнүн 3-пунктуна негизделип кабыл алынды. 

Жарлык кол коюлган күндөн баштап күчүнө кирет. Бул тууралуу Кыргыз Республикасынын Президентинин аппаратынын маалыматтык-саясат бөлүмү 25-августта билдирди.