ЮНЕСКОнун башкы директору Ирина Бокова: “Кыргызстандын демократиялык системи биз үчүн өтө чоң мааниге ээ”

ЮНЕСКОнун башкы директору Ирина Бокова бүгүн, 26-августта "Ала-Арча" резиденциясында өтүп жаткан брифингде "парламенттик демократия биз үчүн өтө чоң мааниге ээ" деп билдирди.

Ал ЮНЕСКО Кыргызстандын демократия жолуна кызыкдар экенин айтып: “Биз Кыргызстан менен бир топ жылдан бери активдүү иштешип келебиз. Кыргызстан - эгемендүү, эркин мамлекет. Мен кыргыз элин сыйлап-урматтайм. Кыргызстанга биринчи ирет келип жатсам да, табиятынын кооздугу, элинин меймандостугу кызыктырчу”,- деди Бокова.

Ошондой эле ал Кыргызстандын ЮНЕСКОнун кароосуна кирген Чүй өрөөнүндөгү Улуу Жибек жолунун тутумунда жаткан байыркы шаарлар Суяб, Баласагын, Невакатка токтолду.