Өзбекстан кыргыз-өзбек чек арасындагы темир жол өткөрмө пункттарын убактылуу жапты

Өзбекстан кыргыз-өзбек чек арасындагы “Кызыл-Кыя темир жол”, “Кара-Суу темир жол”, “Жалал-Абад темир жол” жана “Шамалды-Сай темир жол” өткөрмө пункттарын 21-январдан тартып убактылуу жапты. Бул тууралуу УКМКнын басма сөз кызматы билдирди. Маалыматка караганда, “Кара-Суу темир жол” өткөрмө пункту техникалык себептен улам жабылган. Ал эми калган темир жол өткөрмө пункттарынын жабылышы тууралуу өзбек тарап эч кандай маалымат берген жок.