Көк бөрү боюнча КРнын Президентинин кубогуна арналган беттештин финалында “Бөрүлү” жана “Талас” командалары ойнойт

Эгемендүүлүк күнүнө карата КРнын Президентинин кубогуна арналган көк бөрү боюнча мелдештин финалында “Талас” жана “Бөрүлү” командалары ойнойт. Бул тууралуу Улуттук оюндарды өнүктүрүү борборунан кабарлашты.

Маалыматка ылайык, “Талас" жарым финалдык беттеште “Суусамыр” командасын 4:0 эсебинде утуп алды. Ал эми “Бөрүлү” финалдык жолдомо үчүн болгон беттеште “Кабылан” командасын утту (7:4 эсебинде).

Финалдык беттеш 31-августта “Аккула” ат майданында өтөт. Ошондой эле бул күнү жарым финалда утулган “Суусамыр” жана “Кабылан” командалары өз ара 3-орун үчүн беттеш өткөрүшөт.