Маданият айылындагы мектепке президент тарабынан компьютердик класстын сертификаты берилди

Президент Алмазбек Атамбаев Чүй облусунун Маданият айылындагы Байдылда Маленов атындагы орто мектепке компьютердик класс белек кылуу боюнча сертификат тапшырды. Мамлекет башчы өз сөзүндө мектептин айланасын көрктөндүрүү керектигин, негизги көчөдөн мектептин босогосуна чейин тротуар жасоо зарылдыгын белгиледи. Айта кетсек, Атамбаев бүгүн, 1-сентябрда аталган мектептин расмий ачылышына катышуу үчүн облуска иш сапары менен барган. Мектеп 150 окуучуга ылайыкталып курулду.