Эмгек, миграция жана жаштар министри Бишкектеги №68-орто мектепте ачык сабак өттү

Эмгек, миграция жана жаштар министри Алиясбек Алымкулов Бишкек шаарындагы №68-орто мектепте ачык сабак өттү. Бул тууралуу аталган министрликтен кабарлашты.

Маалыматка ылайык, ал окуучуларды жана ата-энелерди жаңы окуу жылынын башталышы менен куттуктады. “Мамлекет билимдин сапатын жакшыртууга жана бүгүнкү күндүн талабына жооп берген шарт түзүү аракетин көрүп жатат”,- деди ал. Ошондой эле министр окуучуларга келечекте кесипти туура тандоо керектигин эскертти. 

Андан тышкары А.Алымкулов №10-кесиптик лицейинин тарбиялануучуларын да Билим күнү менен куттуктап кайтты.