Нарындын жашоочулары: “Митингге чыгып, Бүткүл дүйнөлүк көчмөндөр оюндарын бүлгүнгө учуратууну каалаган жокпуз”

Бүгүн, 2-сентябрда өткөн маалымат жыйынында Нарындын жашоочулары 10-сентябрда жолду жабууну пландап жатышканын айтышты. “Митингге чыгып, жол жабуу менен Бүткүл дүйнөлүк көчмөндөр оюндарын бүлгүнгө учуратууну каалаган жокпуз. Ошол себептүү бийлик өкүлдөрү биздин талаптарды аткарып беришсе жакшы болмок. Бизде эки гана талап бар: камакта жаткан Нариман Түлеевдин баш коргоо чарасы өзгөртүлүп, үй камагына чыгарылсын, бийлик электр энергиясына болгон бааны төмөндөтсүн. Бүгүнкү күндө Нарын облусунун калкынын дээрлик 80 пайызы 3 фазалуу электр энергиясын колдонот. Жумушу жок, акчасы жок эл электр энергиясына болгон бааны төлөй албайт. Көмүр да кымбат”,- деди Жумабаев Майрамбек.

Кошумчалай кетсек, Нарын эли жолду жабууну 10-сентябрга тууралап жатат. Ал эми Бүткүл дүйнөлүк көчмөндөр оюндары 9-сентябрда Чолпон-Ата шаарында старт алат.