Ысык-Көл. Тоң районунун Төрт-Күл айылына жаңы трактор берилди

Жыл башында Ысык-Көл облусунун Тоң районуна караштуу Төрт-Күл айыл өкмөтүнө «МТЗ-82» үлгүсүндөгү жаңы трактор берилди. Бул техника Ысык-Көл өнүктүрүү фонду жана өнүктүрүү саясат институтунун колдоосу менен алынып келинди жана баасы 2 миллион 335 миң сомду түздү. Аталган айыл өкмөттүн башчысы К.Арпачиевдин айтымында, бул тракторду алууга Ысык-Көл өнүктүрүү фондусу 1 миллион 335 миң сом, калганын аталган институт бөлүп берген.