Бүгүн Бишкекте Бирдиктүү маалыматтык-башкаруу системи боюнча долбоор талкууланып жатат

Бүгүн, 2-сентябрда КРнын ӨКМнын имаратында вице-премьер-министр Абдырахман Маматалиевдин жетекчилигинин астында координациялык отурум өтүп жатат. Анда Бирдиктүү маалыматтык-башкаруу системи боюнча долбоор талкууланууда.

Иш-чарада КРнын Куралдуу күчтөрүнүн Башкы штабы, Коргоо кеңешинин секретариаты, ИИМ, Саламаттыкты сактоо министрлиги, Бишкек, Каракол, Ош шаарларынын мэрияларынын өкүлдөрү катышууда.

Координациялык отурумдун негизги максаты КРнын ӨКМнын түзүмдөрүнүн кызматын уюштуруу жана негизги маселелерин чечүү болуп саналат. Аталган долбоордун алкагында өзгөчө кырдаалдар жана кризистик учурлар боюнча башкармалыгын өнүктүрүү, Бирдиктүү мамлекеттик нөөмөттүк-диспетчердик кызматы жана калкты маалымдоо системин орнотуусу каралат.