Ош шаарындагы аскер бөлүктөрүнүн биринде катардагы жоокерди сабаган эки кызматкерге кылмыш иши козголду

Анын айтымында, сабаган аскер кызматкерлери Эрлан Ырысбек уулуна жана Нургазы Чекировго Кылмыш-жаза кодексинин 305-беренеси менен кылмыш иши козголуп, тергөө амалдары жүрүп жатат.

Эскерте кетсек, 20-май күнү офицер Эрлан Ырысбек уулу Асилбекти себепсиз таяк менен 6-7 жолу сабаган. Сабалганын эч кимге айтпашын талап кылган. Буту шишип кеткенден кийин 2-июнь күнү аскердик бейтапканага жатып, 10 күн дарыланган, бирок бутунун шишиги тараган эмес.

Ал эми 21-июнда аскерлер жуунуучу жайда аталган аскер бөлүгүнүн сержанты Нургазы Чекиров Асилбек Ажиевди кур менен бутуна, башына, бөйрөгүнө урат. Жыйынтыгында сабалган Асилбектин абалы оорлошуп, 24-июнда аскер госпиталына жаткырылып, 27-июнда бутуна операция жасалган. Жабырлануучунун атасы Нурланбек Бөрүбаев уулуна ар кандай коркутуу болгонун, экинчи операциясы 9-сентябрда Кызыл-Кыя шаардык ооруканасында болорун айткан. Аскердин сабалганына 2 айдан көп убакыт өтсө да, кылмыш иши козголбой келген.