Ырчы Салтанат Аширова: "Айыма "X-Factor 5" сынагына мындан ары катышпайт"

16 жаштагы Айыма Айылчиева Украинанын Киев шаарында өтүп жаткан "X-Factor 5" сынагына мындан ары катышпайт. Бул тууралуу 8-сентябрда SUPER.KG порталына Айыманын устаты, ырчы Салтанат Аширова билдирди. 

Анын айтымында, сынактын тандоо турларынан өткөн катышуучуларга долбоордун уюштуруучулары иштешүү боюнча келишимге кол коюуну сунушташкан. Бирок долбоор узакка созулгандыктан, жаш ырчы андан баш тартууда. 

“Айыма бардык тандоо турларынан өттү. Ага аталган долбоордун уюштуруучулары келишимге кол коюуну сунушташты. Долбоор узакка созулгандыктан, Айыма ага убактысын кетиргиси келген жок. Ошондуктан келишимден баш тартканы жатат. Учурда ал апасы менен ошол жакта. Каражат жагынан достору колдоо көрсөтүп жатышат. Айыманын потенциалы чоң, келечекте мыкты ырчы болорун ишеничтүү айта алам”,- дейт Салтанат Аширова.