Айдоочулук күбөлүк боюнча маалым кат мындан ары бекер болот

2014-жылдын 4-сентябрынан баштап автоунаа айдоочуларын даярдоочу жайларда окуп жаткандар үчүн айдоочулук күбөлүгү жок экенин далилдей турган маалым катка (справка) акча төлөө талабы жоюлду. Муну бүгүн, 10-сентябрда Мамлекеттик каттоо кызматынан билдиришти. "Эми күбөлүктүн жоктугун Транспорттук каражаттарды жана айдоочулук курамды каттоо департаменти жана МККнын алдындагы Маалыматтык тейлөө адистештирилген борборунун кызматкерлери текшеришет" деп айтылат маалыматта.