Дүйнөлүк көчмөндөр оюндары: Көк бөрү боюнча Кыргызстандын биринчи командасы Монголияны 19:1 эсебинде утту

Бүгүн, 10-сентябрда Чолпон-Ата шаарындагы ат майданында көк бөрү боюнча тайпалык оюндар өтүп жатат. Мелдешке үй ээси катары 2 команда катыштырып жаткан Кыргызстандын башкы курама командасы Монголия курамасын 19:1 эсебинде утуп алды. Оюн толук бойдон кыргызстандыктардын демилгеси астында өттү. Ат майданында оюндарга күбө болгон элдин саны ачылышка келген элден аз болууда. 

Тайпалык баскычта командалар төмөнкүдөй тартипте 2 тайпага жайгашып, кийинки баскычка чыгуу үчүн упай топтоп жатышат.

“А” тайпасы

Кыргызстан-2

Ооганстан

Өзбекстан

Түркия

“В” тайпасы

Монголия

Кыргызстан (башкы курам)

Алтай (Орусия)

Тажикстан

Көк бөрү боюнча 1-тур оюндарынын жыйынтыктары:

Өзбекстан – Түркия – 2:6

Кыргызстан - Ооганстан – 11:2

Монголия – Кыргызстан – 1:19