Дүйнөлүк көчмөндөр оюндары: Бүгүн түнү алыс аралыкка ат чабуу боюнча жарышка старт берилет

10-сентябрдан 11-сентябрга караган түнү саат 02:00дө Бүткүл дүйнөлүк көчмөндөр оюндарынын алкагында алыс аралыкка ат чабуу боюнча (“Улуу Манас жолу” деген аталышта) мелдеш старт алат.

Уюштуруучулар кабарлашкандай, ат чабыш көрсөтмө оюн катары уюшулууда. Анда 80, 100, 120 чакырым аралыкка ат чабылат. Ага 5 жаштан жогорку жаштагы аттар тандалып алынган. Дүйнөдөгү 7 классикалык ат спорт түрлөрүнүн бири катары эсептелген ат жарышынын өзүнө тиешелүү эрежелери бар. Айта кетсек, 30 мүнөт ичиндеги жарышта чабарман атты 64 гана ирет камчылаганга укуктуу.