Дастан Жумабеков "жаңы окуу жылын 15-сентябрдан баштоо тууралуу сунушумду өкмөт кабыл албай койду" дейт

Бүгүн, 11-сентябрда Жогорку Кеңештин жыйынында депутат Дастан Жумабеков экономикалык шартка байланыштуу жаңы окуу жылын 15-сентябрдан баштоо туура болмогун айтты. Депутаттын айтымында, мектеп окуучулары, студенттердин 1-сентябрда сабактарына баруусуна шарт жок болуп жатат. "Совет учурунан бери эле окуу жылын 1-сентябрдан тартып баштайбыз. Айылдарда экономикалык шарт жок болуп жаткандыктан, 15-сентябрга жылдырууну сунуш кылам. Бул боюнча өкмөткө сунуш кылдым эле, кабыл албай жатат",- деди Жумабеков.