"Кыргызстандагы балдар үчүн юстиция" деген темада Ошто тренинг өтүүдө

Ош шаарында 11-12-сентябрь күндөрү "Кыргызстандагы балдар үчүн юстиция" деген темада тренинг өтөт. Жогорку Соттун алдындагы Судьялардын окуу борборунда өтчү иш-чарага судьялар, прокурорлор, жактоочулар, милиция кызматкерлери катышууда. Анда төмөнкү маселелер каралат:

Балдар юстициясы тармагындагы эл аралык стандарттар;

Балдар юстициясы тармагындагы прокуратура ишмердүүлүгүнүн өзгөчөлүктөрү;

Жашы жете элек айыпталуучуга козголгон кылмыш ишин кароонун өзгөчөлүктөрү;

Балдардын мыйзам бузууларына чара көрүүнүн негизги жолдору;

Балдар юстициясы боюнча адвокаттык ишмердүүлүктүн өзгөчөлүктөрү;

Балдар юстициясынын социалдык көрүнүштөрү.