Эрлан Абдылдаев: “Түркмөнстан менен кызматташууга убакыт келди”

"Түркмөнстан менен кызматташуунун убагы келди" деп билдирди тышкы иштер министри Эрлан Абдылдаев бүгүн, 15-сентябрда ЖКнын Эл аралык иштер боюнча комитетинин отурумунда. Жыйында Кыргызстан менен Түркмөнстандын ортосундагы достук, өз ара түшүнүшүү жана кызматташуу жөнүндө келишимдин долбоору каралууда. Министрдин айтымында, Түркмөнстан мамлекети менен Кыргызстандын кызматташуусу акыркы 2 жыл аралыгында активдүү жүрүп жатат. “Акыркы 2 жылдан бери Түркмөнстан менен кызматташуу активдүү жүрүп жатат. Быйыл июль айында түркмөн башчысы Түркмөнстандын Бишкектеги элчилигин ачуу боюнча атайын келишимге кол койду. Бул биздин саясий кызыкчылыктарыбызга жол берет. Эки тараптуу кызматташуунун убагы келди”,- деди Абдылдаев.