Чек ара кызматы: Кыргызстандын чек ара тилкелерин коргоо үчүн 97 чек ара ыйгарым укуктуулар бекитилди

Бүгүн, 15-сентябрда Жогорку Кеңештин Коргоо жана коопсуздук боюнча комитетинин отурумунда Мамлекеттик чек ара кызматынын төрагасынын орун басары Таалайбек Усубалиев: “Кыргызстандын чек ара тилкелерин коргоо үчүн 97 чек ара ыйгарым укуктуулар бекитилди”,- деп билдирди.  

Анын айтымында, ал орундарга эми чек арага чектеш жашаган жергиликтүү тургундар тартылат. “Алар “аскер кызматындагылар” эмес, жөн гана “кызматчылар” деп аталышат. Кызмат акылары Чек ара кызматынын жобосу менен аныкталат”,- деди Усубалиев.