Азия оюндарында алтын алган спортчуга 1 миллион 250 миң сом каралды

Азия оюндарында алтын медаль алган спортчуга мамлекет тарабынан сыйлык катары 1 миллион 250 миң сом каралды. Ал эми күмүш медаль ээси 750 миң сом менен сыйланса, коло медалга ээ болгон спортчу 500 миң сом алат. Бул тууралуу бүгүн, 15-сентябрда “Ала-Арча” резиденциясында спортчулар менен жолугуп жатканда өкмөт башчы Жоомарт Оторбаев кабарлады.

Ал кошумчалагандай, машыктыруучулар болсо спортчуга ыйгарылган сумманын 20 пайызына туура келген акча каражаты менен сыйланышат. “Эгемендүүлүктү алгандан кийин Кыргызстан Азия оюндарында 40тан ашык медаль алды. Бөлө келгенде ар жолкусунда биздин спортчулар сегизден медаль алышкан. Бул орто көрсөткүч. Буюрса, бул жолу жыйынтык мындан да жакшы болот”,- деди Ж.Оторбаев.