Ырчы Салтанат Аширова: "Үн" долбооруна катышуу үчүн тааныш керек экен"

"Элес" тобунун мурунку солисти, ырчы Салтанат Аширова Орусиянын "Үн" ("Голос") долбоорунан чакыруу келбегенин бүгүн, 16-сентябрда SUPER.KG порталына билдирди.

“Долбоорго өтсөм, мага телефон аркылуу кабарлашмак. Бирок чакыруу болгон жок. Мен сынакка барганда уюштуруучулар “сен такшалган ырчы турбайсыңбы, бул долбоордун сага кереги деле жок” дешкен. Анткен менен күчүмдү сынап көрүүнү туура көрүп, сынактын тандоо турларына катышкам. Бардык жерде эле тааныш керек эмеспи. Ал долбоорго да катышуу үчүн артыңда жөлөп-таяган жергиликтүү, акчалуу продюсер керек экен”,- дейт Салтанат Аширова. 

Эске салсак, ырчы Салтанат Аширова үстүбүздөгү жылдын июнь айында аталган долбоорго катышып, 1-турунан өткөн. 3-июлда сынактын 2-туруна катышып келип, жооп күтүп жаткан эле.