Мамлекеттик айыптоочу "ата журтчу" 3 депутатты камакта калтырууну соттон суранды

Бүгүн, 24-январда Бишкектин Биринчи Май райондук сот залында мамлекеттик айыптоочу депутаттар Камчыбек Ташиев, Талант Мамытов жана Садыр Жапаровдун баш коргоо чарасын өзгөртпөөнү соттон суранды. “Жактоочу кылмыш иши туура эмес козголгонун, Ак үйдү эмес, Өкмөт үйүн басып алууга аракет жасады деп козголгонун айтып жатат”,- деди ал. Мындан сырткары айыптоочу Ташиевдин ден соолугу боюнча медициналык мекемеден документтер алып келбегенин кошумчалап, “мыйзам боюнча айыпталуучуларга чара колдонууга тыюу салууга эч кандай негиз жок”,- деп билдирди.