2014-жылы Кыргызстанда кыйноо боюнча 12 милиция кызматкери кылмыш жоопкерчилигине тартылды

2014-жылы 8 айдын ичинде Кыргызстанда кыйноо боюнча 12 милиция кызматкери кылмыш жоопкерчилигине тартылды. Бул тууралуу бүгүн, 17-сентябрда КРнын ИИМинин Жеке коопсуздук башкармалыгынын өкүлү Асел Аруновага шилтеме берүү менен Адам укуктары боюнча Эдвокаси борборунун басма сөз кызматы билдирди.

Маалыматка ылайык, аталган мөөнөттүн ичинде жоопкерчиликке жалпысынан 2845 адам тартылып, алардын 77си укук коргоо кызматкерлери болуп саналат. “Башка мыйзам бузуулар боюнча тартиптик жана административдик чаралар 174 милиция кызматкерлерине колдонулган. Кызматтык тартипти бузуу боюнча 1606 милиционер дисциплинардык жазага тартылган. 2014-жылдын башынан бүгүнкү күнгө чейин милициядан 74 кызматкер четтетилген, 110 адам кызматынан бошотулган”,- деди А.Арунова.