Темир Сариев: "Кумтөрдүн" ишмердүүлүгүн текшерген комиссияга эч кандай кысым болгон жок"

"Кумтөр" компаниясынын ишмердүүлүгүн текшерген мамлекеттик комиссиянын мүчөлөрүнө жогору жактан эч кандай кысым болгон жок". Бул тууралуу өкмөттүн бүгүнкү, 24-январдагы жыйынында Экономика министри Темир Сариев билдирди. "Эч кандай басым болбогондуктан, мамлекеттик комиссиянын иши адилеттүү, ал мамлекеттин, элдин жана экономиканын кызыкчылыгына жооп берет",- деди министр. Анын айтымында, президент да, премьер-министр да, Жогорку Кеңештин төрагасы да мамлекеттик комиссиянын ишине кийлигишкен эмес. "Бирөө да чалып, басым көргөзгөн жок" деген министр буга чейинки комиссиялардын ишине жогорку кызматта отургандар дайыма кийлигишип келгенин белгиледи.