Кийинки аптада Коргоо жана Маданият министрликтеринин жетекчилери “Министр байланышта” акциясына катышышат

22-сентябрда КРнын Коргоо министри Абибилла Кудайбердиев “Ачык өкмөт” саясатынын алкагындагы “Министр байланышта” акциясына катышат. Бул тууралуу КРнын Өкмөтүнүн басма сөз кызматы билдирди.

Маалыматка ылайык, 25-сентябрда КРнын Маданият, маалымат жана туризм министрлигинин жаңы шайлана турган башчысы, ал эми 29-сентябрда КРнын Юстиция министри аталган акцияга катышышат.

Айта кетсек, “Министр байланышта” акциясынын жүрүшүндө аптанын дүйшөмбү жана бейшемби күндөрү тиешелүү министрликтердин же мекемелердин башчылары ММКлар аркылуу 2014-жылга болгон пландары, милдеттери жана жыл ичинде аткарган иштери боюнча айтып бериши зарыл. Мындан тышкары алар журналисттердин жана жарандардын бардык суроолоруна жооп бериши керек.