Максат Чакиевди маданият министри кылууну "ар-намысчы" 5 депутат колдоп жатат

Маданият министри кызматына талапкер ырчы Роза Аманова

Маданият министри кызматына талапкер КРнын Улуттук китепкананын башчысы Жылдыз Бакашова

Маданият министри кызматына талапкер Гүлмира Жумагулова Эсептөө палатасынын башкы инспектору

Эркинбек Каимов "Кыргыз темир жолу" ишканасынын басма сөз катчысы

Бүгүн, 19-сентябрда "Ар-намыс" фракциясынын депутаттары маданият, маалымат жана туризм министри кызматына сунушталган талапкерлер менен таанышууда. Башында 13 талапкер коюлган. Бирок алардын экөөсү Садык Шер-Нияз жана Исирадин Аманбаев чиновниктердин туугандары болгондуктан, талапкерлердин тизмесинен алынганы айтылды. Мындан тышкары дагы 3 талапкер: Кубат Оторбаев, Кайрат Иманалиев жана Мукталы Бектеналиев министр болуудан баш тартышкан.

Учурда маданият министри кызматына жалпысынан 8 талапкер сунушталууда. Туризм департаментинин башчысы Максат Чакиев фракцияда мыкты колдоого ээ болуда. Аны "Ар-намыс" фракциясынын 5 депутаты: Д.Бекешов, Б.Маматов, А.Алтыбаева, Т.Левина жана К.Рыспаев маданият министри кызматына жактырышууда. Башка талапкер, Улуттук китепкананын башчысы Жылдыз Бакашованы бир гана "ар-намысчы" Каныбек Осмоналиев сунуштап жатат. Калгандары ыктыярдуу талапкерлер болуп саналууда.