Москвада кыргыз мигранттары жашаган батирден өрт чыгып, 4 адам каза тапты

Москвада көп кабаттуу үйдүн 7-кабатынан чыккан өрттөн кыргызстандык 4 адам каза таап, 6 адам жаракат алды. Бул тууралуу 19-сентябрда Москва шаарындагы ӨКМга шилтеме берүү менен КРнын Орусиядагы элчилигинин басма сөз кызматы билдирди.

Маалыматка караганда, жаракат алгандардын төртөө жаш балдар, алар ооруканага жеткирилген. Алдын ала маалыматка ылайык, жабыркагандардын тизмеси: 

1. Кумбеков Б., 2001-жылы туулган. №9-балдар ооруканасына жаткырылды.

2. Кужиназар кызы Ильнура, 2009-жылы туулган. №9-балдар ооруканасына жаткырылды.

3. Кужиназар уулу Улар, 2012-жылы туулган. №9-балдар ооруканасына жаткырылды.

4. Арзыматова Акмаанай Кожоназаровна. №9-балдар ооруканасына жаткырылды.

5. Арзыматов Кожоназар Күнбекович, №36-ооруканасына жаткырылды.

6. Окумалиева Гүлназ Кумалиевна, №36-ооруканасына жаткырылды.  

Каза болгондор 1988-жылы Ош облусунун Кара-Кулжа районунда туулган Токтосунов Урмат жана аялы Жаркынай (фамилиясы такталууда).

Калган каза болгондордун аты-жөнү такталып жатат. Өрт боюнча иликтөө иштери жүрүүдө.