Өкмөттө вице-премьер-министрлер пландарынын аткарылышы боюнча маалымат беришет

Бүгүн, 19-сентябрда өкмөттө вице-премьер-министрлер Абдырахман Маматалиев, Валерий Диль жана Эльвира Сариева иш пландарынын аткарылышы боюнча маалымат беришет. Иш-чара премьер-министр Жоомарт Оторбаевдин жетекчилигинин алдында өтөт. Анын айтымында, күндүн тартибине ылайык, жыйында 5 маселе каралышы керек болчу, бирок бүгүн төртөөсү карала турган болду. Биринчи вице-премьер-министр Тайырбек Сарпашев өкмөттүн облустардагы өкүлдөрүнүн жана Бишкек, Ош шаарларынын мэрлеринин иш-аракеттеринин пландарынын аткарылышынын жүрүшү жөнүндө айтып берет.

Ал эми 2014-жылдын 1-жарым жылдыгында мамлекеттик түзүмдөрүнүн жана жергиликтүү өз алдынча башкаруу органдарынын ишинин натыйжалуулугун баалоонун жыйынтыгы жөнүндө экономика министри Темир Сариев өз баяндама менен чыгат.