Кыргызстанда 2012-жылы 352,5 миң тонна эт алынды

2012-жылы Кыргызстанда 352,5 миң тонна эт алынганын Айыл чарба жана мелиорация министрлигинин басма сөз кызматы билдирет. Бул көрсөткүч былтыркы жылга салыштырмалуу 5 миң 986 тоннага көп. Өткөн жылга салыштырмалуу өлкөдө бодо малдын саны 39,7 миңге, кой жана эчки 250,4 миң, жылкы 10,5 миң, ал эми үй канаттууларынын саны 65,4 миңге өскөн. Ошондой эле былтыркы жылы өлкө боюнча 11,3 миң тонна жүн өндүрүлгөн.