Өзгөчө кырдаалдар министрлиги: 22-23-сентябрь күндөрү үшүк жүрүшү күтүлөт

22-23-сентябрь күндөрү үшүк жүрүшү күтүлөт. Бул тууралуу ӨКМнын басма сөз кызматы бүгүн, 22-сентябрда билдирди.

Маалыматка караганда, Чүй, Талас, Ысык-Көл облустарынын айрым дыйканчылык аймактарында абанын температурасы 0…-2 градус, Нарын облусунун дыйканчылык аймактарында -3…-5 градуска төмөндөп, үшүк жүрүшү күтүлөт. Мындай үшүктүн жүрүшү жыйналбаган жашылча-жемиштерге, казылып алынган жана жабылбаган картошка, кант кызылчасы үчүн коркунучтуу.