Өзбекстан, Тажикстан, Кыргызстандын 1 миллионго жакын жарандарына Орусиянын аймагына кирүүгө тыюу салынган

Мыйзамды бузгандыгынан улам 990 миң чет өлкөлүк жаранга Орусияга барууга мүмкүн эмес. Бул тууралуу бүгүн, 24-сентябрда Орусиянын Федералдык миграциялык кызматынын башчысы Константин Ромодановскийге шилтеме берүү менен орусиялык басылмалар жазып чыгышты.

Маалыматтарга ылайык, эми Орусияга бара албаган калктын басымдуу бөлүгү Өзбекстан (40 пайызга жакын), Тажикстан (20 пайызга чейин), Кыргызстан жана Азербайжандын жарандары болуп саналат.

“Орусиянын мыйзамын бузгандарды өткөрбөөнүн автоматтык системи пайдалуу натыйжаны көрсөтүп жатат. Ушул жылы биз Борбор Азиядан массалык миграцияны жогорку пайызга кыскартканбыз. Бул иш-аракетибиз мыйзамсыз миграцияга жана мыйзамсыз иш жүргүзүүгө тоскоолдук жараткан чара болууда”,- деп түшүндүрдү Ромодановский.