Темир Сариев: “Бажы биримдигинин шарттары туура келбей калса, кайра чыгып кетүүгө мүмкүнчүлүгүбүз бар”

Кыргызстанга Бажы биримдигинин шарттары туура келбей калса, кайра чыгып кетүүгө мүмкүнчүлүгү бар. Бул тууралуу бүгүн, 26-сентябрда экономика министри Темир Сариев Жогорку Кеңештин КСДП фракциясынын жыйынында айтты. Анын пикиринде, Кыргызстан аталган биримдикке кирүү менен өлкөнүн эгемендүүлүгүнө эч кандай терс таасирин тийгизбейт. “Азыр баары эле “Кыргызстан Бажы биримдигине киргенден кийин өлкө эгемендүүлүгүн жоготуп коёт” дешүүдө. Эгемендүүлүккө эч кандай терс таасир этпейт. Эгерде биримдиктен чыгабыз десек, толук мүмкүнчүлүк бар”,- дейт Сариев.